"ஜூராசிக் வேர்ல்டு" ஹீரோவை "டரியலாக்கிய" குட்டி டைனோசர்...


avatar
நியூயார்க்: ஜூராசிக் வேர்ல்டு படத்தில் ஹீரோவாக நடித்த கிரிஸ் பிராட், குட்டி டைனோசர்களை நிஜத்தில் பார்த்து டரியலாகும் வீடியோ ஒன்று இணையத்தில் வைரலாகப் பரவி வருகிறது.

திரையில் தோன்றும் கதாபாத்திரங்களின் குணாதிசயங்களை அதில் நடிக்கும் நடிகர்களின் சொந்தக் குணமாக நம்பும் பழக்கம் நம் மக்களிடையே உள்ளது. அந்த வகையில் ஹீரோவாக இருப்பவர் நிஜ வாழ்க்கையிலும் ஹீரோவாகத் தான் இருப்பார், வில்லன் நிஜவாழ்க்கையிலும் வில்லன் தான் என்ற மாய பிம்பம் உள்ளது.

இந்நிலையில், ஜூராசிக் வேர்ல்ட் படத்தில் குட்டி குட்டி டைனோசர்களுக்கு பயிற்சி தரும் ஹீரோ, நிஜத்தில் டைனோசர்களைப் பார்த்தால் எப்படி மெர்சலாகிறார் என்பதை இந்த வீடியோ வெளிச்சம் போட்டுக் காட்டுகிறது.

கடந்த வாரம் வெளியாகி வசூலில் சாதனை படைத்து வருகிறது ஜூராசிக் வேர்ல்ட் ஹாலிவுட் படம். இப்படத்தின் ஹீரோ கிறிஸ் பிராட். இவர் குட்டி குட்டி டைனோசர்களுக்கு பயிற்சி கொடுக்கும் சூப்பர் ஹீரோவாக இந்தப் படத்தில் நடித்துள்ளார்.

இந்நிலையில், பட ஷூட்டிங்கிற்காக ஸ்டூடியோவிற்குள் வரும் கிறிஸ்ஸை டெக்னிக்கல் டீம் குட்டி டைனோசர்களைக் காட்டி பயமுறுத்திய காட்சி வீடியோவாக வெளியாகியுள்ளது.

இந்த வீடியோ இணையத்தில் வைரலாகப் பரவியுள்ளது. இதுவரை 37 லட்சத்திற்கும் அதிகமான மக்கள் இந்த வீடியோவைப் பார்த்து ரசித்துள்ளனர்.

ஸ்டூடியோவிற்குள் நுழையும் கிறிஸ்ஸை ஒளிந்திருக்கும் இரண்டு குட்டி டைனோசர்கள் பயமுறுத்துகின்றன. அடுத்தடுத்து திடீர் என எண்ட்ரியாகும் டைனோசர்களைப் பார்த்து பயந்து போகிறார் கிறிஸ்.

பின்னர் சுதாரித்து எழுந்து டெக்னிக்கல் டீமை திட்டிக் கொண்டே, பாராட்டுகிறார். பின் எங்கெங்கு கேமரா வைக்கப் பட்டு இந்தக் காட்சிகள் படமாக்கப் பட்டுள்ளன என விசாரிக்கிறார்.

தியேட்டர்களில் ஒருபுறம் ஜூராசிக் வேர்ல்ட் வசூல் மழை பொழிந்து சாதனை நடை போட்டுக் கொண்டிருக்க, இணையத்தில் இந்த வீடியோவுக்கான கிரேஸ் நாளுக்கு நாள் அதிகமாகிக் கொண்டே போகிறது.


Your Rights

Permissions in this forum:
You cannot reply to topics in this forum

FOR TOPIC ADS
Advertise Now!

LATEST TOPICS UPDATES